asool
عضو نشيط
عدد الرسائل : 80
رقم العضويه : 9
تاريخ التسجيل : 31/05/2008
 | موضوع: ابتسم فأنت في غزة  الخميس يونيو 19, 2008 10:22 am | |
|
..شو حلوة يا بلدي...شو حلوة ياعادات بلدي
إذا بيوم من الأيام حضرت عرس ..ونزلت الشباب عالدبكة وبلش العرق يزرب...وحميت مع أبواسماعين (رقيب متقاعد) وسحب الكلاشنكوف وطررررررر...بلش طخ عن جنب وطرف وهو برقص وبدبك...
وسقط ثلاث شهداء من جراء القصف العشوائي ....ابتسم أنت في غزة..انت بتحضر عرس بغزة.
إذا تجوزت ...والناس واقفيتلك عالمسطرة بتستنا أسبوع العسل لما يخلص عشان يفيعو عليك ويهجموا هجمة رجل واحد..وكل واحد فايت يا جيبلك طقم فناجين قهوة...ياصينية...وبالآخر بتحوشلك سبعطعش طقم قهوة وحدعش صينية واستنا مناسبات عشان ترجعها لصحابها...بتكون بتمارس واجباتك الاجتماعية في غزة...ابتسم...
إذا فتت إنت ومرتك أو خطيبتك أو صاحبك على قهوة وأجتك المنيو...القهوة 3 شيكل..الميلك شيك أبوفراولة 6شيكل..وحضرتك طلبتهم..شو 9 شيكل..ولا إشي..
ولما أجت الفاتورة ولا هي بقدرة قادر خمستعشر شيكل ...كيف ما بتعرف...
ابتسم ...أنت بتمارس الرفاهية في مطاعم غزة....
إذا كنت قاعد على مكتبك بوظيفتك...وكل المراجعين اللي أجوك طلعوا يا قرايبك يا نسايبك يا مخاولك (سام هاو) وكل واحد الا بيسألك بتعرف فلان الفلاني...هذا إبن عم جدتها لبنت عم مرة أخوي اللزم....ابتسم فأنت في غزة.
إذا كنت بصلاة الجمعة...كلك إيمان وخشوع بعد الخطبة المؤثرة..والإمام صوته ما شاء الله..بيدغدغ القلوب...وأول ما يسلم الإيمان وخلصت الصلاة سمعت :
أحمر يا زر البندورة...بخمسة شيكل البوكسه بخمسة شيكل
أصابيع البوبو يا خياااااااااااااااااااااااااااار...أربعه كيلو بخمسة شيكل. ..يالله يالله
عالسكين يا بطيييييييييييييييييييييييخ....أحمر أحمر يا بو قرعه...ابتسم وابتسم وخلي طواحينك يبينو...إنت على باب جامع بغزة
تحياتي .
| |
|
سيد العاطفي
مشرف
عدد الرسائل : 168
العمر : 36
البلد : بانقلديش
العمل/الترفيه : مش فاضي اشتغل
المزاج : رايق علـ الاخر
رقم العضويه : 4
البلد : فلسطين / غزه
تاريخ التسجيل : 24/05/2008
| | موضوع: رد: ابتسم فأنت في غزة الخميس يونيو 19, 2008 12:34 pm | |
|
لما تلاقي نص الناس الي حواليك مقاومة و النص الثاني عملاء ابتسم فانت في غزة
لما يكون جزء كبير من الناس عمال في اسرائيل و مصدر دخلهم يوقف بسبب الوضع و يحوّلوا مهنتهم و يصيروا سائقين اجرة و مصدر دخلهم برضه يوقف بسبب الوضع الحالي و قلة المحروقات و لما تعرف انهم بيشكلوا نسبة كبيرة جداً من السكان و ارباب اسر كبيره ابتسم فانت في غزة
لما تمشي في الشوارع و تلاقي اعلام حمرا و خضرا و صفرا و برتقاليه تمثل الفصائل بكافة اطيافها و ماتلاقي على اي بيت من هاي البيوت علم فلسطين ابتسم فانت في غزة
لما تلاقي الدنيا طخ و رقع و اجتياحات و شهداء بالكبشة و تلاقي في نفس الوقت سهرة في نص الشارع و غنا و رقص و هرج و مرج ابتسم فانت في غزة
Asool
مشكوره كتير على الموضوع
وبعينا الله على غزه وعيشتها
تحياتي الك
سيد العاطفي
[/center] | |
|
asool
عضو نشيط
عدد الرسائل : 80
رقم العضويه : 9
تاريخ التسجيل : 31/05/2008
| | موضوع: رد: ابتسم فأنت في غزة الخميس يونيو 19, 2008 3:52 pm | |
| مشكور على مرورك الرائع...
تحياتي الك..... | |
|
